玩就玩咗啦，等我都学吓人做番个总结先，或者系处讲多少少俾有心去玩的人昨一些参考，不过呢一啲其实系网上都随时可以搵到，而我以下所讲既都系一啲我有做过既野，所以，我无做过既，你地千祈咪问我。仲有，我系Cheap友，想叹世界既，就唔系呢杯茶了！
货币：全个柬埔寨以美金为主，我呢次去玩，一个仙当地货币都无兑换过。只要去玩叫饮叫食或买野，尽量要叫“整数”，因为遇有“零头”，当地人一定会收美金但找回柬埔寨钱俾你，到时钱又带唔走，兑换回美金又蚀汇价就唔好啦！不过真系有剩，留俾酒店当贴士，或在路上派俾那些因为地雷受害人士，做吓善事都可以的！仲有，因为搭飞机离开暹粒时，要俾『机场建设费』25美金先走得，所以记得啲钱唔好用咁尽呀！
天气：呢个地方全年都热及全年都咁好阳光，佢无春夏秋冬，而只有分旱季及雨季，基本上每年11月后便是旱季，因无咁热及小雨，同时亦即旅游旺季。但雨季出游，有些地方如Kbal Spean，雨季梗本唔适宜去。但我有戴帽及太阳油，都仲晒到黑过去钓鱼，好惨呀！唔靓仔啦！
语言：全程用英文就可以，不管你有几水皮，不过我酒店那个负责人，普通话仲叻过我呢！
前往交通：如果由香港直飞，只可以去到Phnom Penh，到了那里去暹粒必须于第2日，另外坐6小时既巴士。想直接去暹粒，一系由广州飞，要不然便是坐其他航空公司经曼谷、新加坡或吉隆坡等等，再转机去暹粒。不过现时去广州都很方便，什至由深圳或珠海都已经有机场巴士，迟少少广州机场地铁及高速铁路开埋仲方便。加上南方航空机票价钱够平，值得考虑内搞定，但记著，是听回来的，我也不肯定是不是可以有那么便宜)。
当地交通：有钱既坐私家车啦，但大部份人都系坐Tuk Tuk为主，市内1-2美金，而我呢次去既系全日游小圈13、大圈15、外圈25，都系酒店帮我安排既，因为我都已经觉得好合理了，加上那里Tuk Tuk通街都系，更本唔驶预定或讲价。不过要留意系，有些酒店或Tuk Tuk司机，如果要去睇日出，会加收费用的！另外，预定住宿，会包接但唔包送。如果喜欢骑单车，街外租既都系1-3蚊。但我住那地方，有免费单车任玩！用来代步唔错，路上交通看似混乱，但其实无问题的！但那里市中心好细，我都系做步兵算了。
住宿：那里是游客区，所以高中低档酒店多的是，我见过最平由3蚊起，有冷气及冷热水冲凉既贵少少，而且好多酒店都有不同既额外设施，如免费24小时咖啡奶茶、、电脑上网、单车、早餐、按摩、机场车站接人、泳池。不过要留意，当地大部份都系用太阳能热水器，日光日白黄昏当然无问题，晚上就要小心了，因为我去既时候，晚上一般只有18-19度，好凉吓，而我去咁多晚，更本唔驶开冷气，早知我就住无冷气房，可以平多6蚊。而我住呢一个档次，入住时唔虽要俾任何钱包括Deposit，总次不论多少天，当你Check-out时先一次过付清所有房费及Tuk Tuk车费！
食物：表面上柬埔寨既食物，似泰国及中国菜，但一啲都唔辣，以椰汁做餸为主。不如做一个很粗略既比较，等大家知道有乜分别。
路边或本地人 市场/大排档 市内餐馆 景点大排
为主既餐厅 档/餐厅
相同食物 1-1.5 2-3 3-8 5-6
相同饮品 0.5-1 0.5-1 1-4 1-2
其实大家都系食相同既野，不过只要你有胆，肯去本地人既餐厅，真系可以好平，兼好好味，当然，环境装修一定无咁好！不过我食多几日柬埔寨野都觉得闷，因为那里以饭为主，鱼为副，有机会去食吓意粉或Pizza，其实仲平兼一样好好味！
如果想更平，走去超市买定面包及饮品都系一个必然选择，因为就算酒店有包早餐，你去睇日出个日，咁早都无得你食啦，所以呢个时候，自备面包及饮料真不可少。
按摩：其实系自己住既地方，由酒店安排先系最平，出到街上或酒吧街既，会贵好多。讲讲价钱先！Guesthouse可以安排既一般都只有“全身”及“脚部”3-4蚊、“香油”7-8蚊一个钟，街下既我见过既就由5-20一个钟！其实柬埔寨式按摩，感觉系泰式加中式指压既混合体，不过如果要求高及想多几种方式，如Spa或两个人一齐帮你按，你就真系要出外面了。
景点：呢处可以睇既主要系寺庙，不过连睇几日，肯定会出现『审美疲劳』既问题，不过无办法，日头就系睇佛寺，晚上就Hea.........如果想平衡一吓，那里其实还以去睇吓一个战争或地雷博物馆，又可以去“洞里萨”淡水湖睇吓当地渔/贫民生活既地方。对于我来说，去那些景点睇三日都够了。但那里也真的是一个拍照的好地方，不过都不外是破破烂烂的废墟或石头，喜欢就话，否则一定闷死！我在想，如果搅个摄影团，可能会好好效果都唔定。
工具：有两样野系必备既，就系口罩或可以遮到口鼻既嘢，因为坐Tuk Tuk时路边既沙麈及电油味好大架；另一样就系电筒，系睇日出日落时有用。
算帐：埋单计数既时候了，呢次去旅行，驶咗唔多，亦达到了预期目标，主要平系机票钱上面，我玩咗5日，早上出发，深夜回来，时间用到尽。计埋由屋企出门口开始，火车的士去广州来回全包、机票及当地住宿、饮食、使费、签证入场费，总之乜钱都计，直至返到屋企，约港币3,600元左右！都算好平了！
真系老套，成日讲钱！................................
玩咗呢个地方，对于我呢个闷人来说，真系几好，好似好适合我咁，好喜欢那里的平静，好喜欢那里的蓝天日照，好喜欢那里的星空月夜，好喜欢那里纯朴的生活，真系唔知仲会唔会再去？但系问题系，我玩完呢个地方，咁下一个玩既地方又会系乜呢？睇黎又要有排想了！烦！
