正如先前所講，為咗貪平，自然要以時間來換取金錢啦，於是早早起身便坐火車經深圳上廣州，係廣州東站食過『蒙自源雲南過橋米線』後便再打的去廣州既新白雲機場，之後當然係入閘等上飛機。
大鄉里出城，呢個機場又真係幾大，不過係遠咗少少啦，不過聽講2010年會有開通地鐵由廣州市中心直到呢處！那時便方便多了！
過程順利，好快就落機到咗暹粒，那裡地方不大，機場自然是細細的，交出20蚊，辦好簽證，一出機場便見到酒店的Tuk Tuk司機舉牌等我，經過15分鐘車程便到酒店！
我在網上預定的MotherHome Guest House
到達後都下午5點幾了，當日自然唔會有行程啦，當一切安頓好及編排了往後三天行程後，便出去酒吧街行下搵飯食，之前睇過別人遊記，搵咗一間口碑唔錯既Khmer Kitchen Restaurant試吓當地柬埔寨既菜式，都幾好味架！
跟住走去附近既Old Market及Noon and Night Market行下，主要係格下價，睇下行情如何。之後便打道回府，幫襯番酒店的按摩，呢處做全身都係4蚊一個鐘，超平，不過就係咁，我人生既第一次就俾.................間酒店竟然搵左個『男』既柬仔俾我，算，我唔想第一野就彈佢鐘，唯有合埋對眼，自我催眠，咁...........先可以勉強捱過，估唔到黎到呢處先俾個男人搞掂，慘！
之後出去行下夜市，都幾多野買，價錢都可以咁啦！
其實呢處都算幾多野買，女仔黎到，可能會少少發狂都唔定呢﹖
成晚得個諗字，不如回房睇電視休息好過，因為明天便要開始行程，要影相嘛！
